Revolution Records Es7o Wild MC'z .. Hard Alex Vs Essam C-X

334 views

Uploaded on July 09, 2011 by migaboyz

أصحو ريلفليوشن ريكوردز وايلد إم سيز

Revolution Records Es7o Wild MC'z .. Hard Alex vs Essam C-X

Verse 1 : Essam C-x

عشنا سنين من الطوارئ لحد ما وسعت الفوارق
و محدش بقي فايق من الظلم اللي عالق
في حياتنا كمُسّلْم لو مش عاجبك يبقي استسلم
في البطاقة إسمك مسلم بس صحيت و مش حسلِم
لكل الأوضاع اللي عيشونا فيها
أيوة عارف مش بإدينا بس بإيدنا حنعديها
لحد إمتي حتفضل السيطرة عالحرية
التحكم في العقول مالحكومة الذكية
الشعوب بقت غبية وريني كام من وسط 100
يعرف مخطوطة السُطل ان الناس تكون سلبية
خلوا كل همنا إننا نلاقي أكلنا
فنسينا إسمنا و بدينا ندفن في حفر نفسنااا
صمٌ بكمٌ عميٌ زي أصنام الكفار
وريني حنعمل إيه لو دخل التتار
بالنار بيشقوا بحار دي تبقي حتي وصمة عار
يا تري نقوم نحارب ولا يلا أهو شعب و غار

***************
Course By Wild MC'z

إصــحـــوا ... مش مكفيكوا اللي حصل فيكوا
حقكم ضاع منكم و المركب إتقلبت بيكوا

إصــحــوا ... سنين ركود خمود جمود نسيتوا
كل حاجة كان ليها طعم لحد ما في التراب بقيتوا
***************
Verse 2 : Hossam Hard Alex

wake up أول خطوة و بداية لمشوار
اكيد طويل مش مستحيل تعالي انفض الغبار
و شرايين دماء كتير اتحولت لإنتحار
قلة حيلة و إلي اليأس و بإدينا دخلنا النار
ماتقولش الوقت عدي شوف عملنا كام اعتصام
في أنحاء الجمهورية و حــنحاكم النظام
كل ازمة تعدي علينا بستر ربك دايما نصبر
الدولة الأولي علي العالم في المشاكل بنتصدر
جه الوقت و نبقي الاحسن و حنغير اللي فات
شوف كام واحد خامل و كام واحد منهم فاق
العقول بدأت تتحرر بس طبعا مش كلها
زي عقدة في المشنقة و عشماوي اللي يحلها
السلبية اكيد موجودة بس طبعاً مش كلها
لسة فينا آدمية و بإيدينا نجيب حقها
المهمة أيوة صعبة و أثبتنا احنا قدها
و لكل الناس النايمة العالم دية حقولها

***************
إصــحـــوا ... مش مكفيكوا اللي حصل فيكوا
حقكم ضاع منكم و المركب إتقلبت بيكوا

إصـــحـــوا...سنين ركود خمود جمود نسيتوا
كل حاجة كان ليها طعم لحد ما في التراب بقيتوا
***************

مش حسكت علي ظلم
مش حسكت علي الذل
مش حسكت علي القتل
مش حسكت علي الجهل
أنا ضد السلبية أنا ضد الطائفية
أنا ضد العنصرية أيوة احنا الثورجية

مش حسكت علي ظلم
مش حسكت علي الذل
مش حسكت علي القتل
مش حسكت علي الجهل
أنا ضد السلبية أنا ضد الطائفية
أنا ضد العنصرية أيوة احنا الثورجية
أيـــوة احـــنـــا الـــثـــورجـــيــــة

Download
http://www.reverbnation.com/revrecords

Video Making By 3omda

Much Love And Respect

Tags:
Revolution Records, Wild MC'z, Essam C-X, Hard Alex, ريلفليوشن ريكوردز, وايلد إم سيز, أصحو, Es7o, Music & Dance
Comments on Revolution Records Es7o Wild MC'z .. Hard Alex Vs Essam C-X

RECOMMENDED CHANNELS