De Räuber - Kölsches Bloot 2008

De Räuber - Kölsches Bloot 2008

Manche Lück die schwaade un dat deit esu wieh.
Dat wat typisch Kölsch wor, dat jitt et baal nit mie.
Selvs die Orjinale die sterven langsam us,
su wie die Fassad 'vun manchem aahle Hus.
Un dat deit jedem Kölsche wieh,
jo dat deit jedem echte Kölsche wieh.

Verjänglich es de Freud un verjänglich es et Leid.
Verjänglich es et Glöck su wie Macht un Herrlichkeit.
Sujar dä Kölsche Klüngel es net mie wat hä wor.
Nur eines dat bliev immer do.

Denn sulang e Dröpsche vum Kölsche Bloot
noch e Kinderhätzje kloppe lös,
weed et wigger jon, wenn mir zesammeston
dann weed Kölle nie ungerjon.
Weed et wigger jon, wenn mir zesammeston
dann weed Kölle nie ungerjon.

La la la la la ....
La la la la la ....

Adenauer, Ostermann un die Müller's Aap,
Trude Herr, Horst Müß un sujar die Rossers Plaat,
dä Zimmermänn, dä Millowitsch met ihrer Eijenaart,
die han uns Stadt am Rhing doch su levvensweed jemaat.
Un dat deit jedem Kölsche joot,
e Stück dovun dat hammer all' em Bloot.

Verjänglich es de Freud un verjänglich es et Leid.
Verjänglich es et Glöck su wie Macht un Herrlichkeit.
Sujar dä Kölsche Klüngel es net mie wat hä wor.
Nur eines dat bliev immer do.

Denn sulang e Dröpsche vum Kölsche Bloot
noch e Kinderhätzje kloppe lös,
weed et wigger jon, wenn mir zesammeston
dann weed Kölle nie ungerjon.
Weed et wigger jon, wenn mir zesammeston
dann weed Kölle nie ungerjon.

La la la la la ....
La la la la la ....

Hey hey hey

La la la la la ....
La la la la la ....

Dann weed Kölle niemals ungerjon